Benjamin Netanyahu ke Assassinate kuriboley Iranian-Backed Plot dey Israeli mota ke arrest kurisheh

Israel, 19 September : Israeli security services para Thursday dey kuishey ki taikhan para ekta Israeli citizen ke arrest kurisheh kun ke Iranian-backed assassination plot dey milaina thakia shaak kuri asey, kuntu para prime minister milaina prominent manu khan ke target kurey.Kuishey ki itu manu toh Turkey dey connections thakina ekta businessman thakishey kun Iran dey kom se kom tuita meetings attend kurishey, Prime Minister Benjamin Netanyahu, Defence Minister Yoav Gallant nahuiley Shin Bet domestic intelligence agency laga head ke assassinate kuriboley laga possibility dey khota kuwoley.Taike jaa mahina arrest kurishey, Shin Bet aro Israeli police laga ekta  joint statement hisab dey kuntu para para Israel laga border logot southern Lebanon dey intelligence war dey escalating conflict ke highlight kurishey. Jaa haafta, Shin Bet para Lebanese group Hezbollah para ekta former senior defence official ke assassinate kuriboley laga plot ke uncover kurishey, kun subsequently former army Chief of Staff aro Defence Minister Moshe Ya’alon kuina identify kurishey.Itu arrest laga announcement toh Hezbollah ke haamla para marina ek din piche dey ahishey, ekta sophisticated haamla kuntu para communications equipment ke detonate kurishey, kom se kom 20 manu laga jaan luishey aro 450 jun jokhum huishey.Israel para itu haamla dey directly comment kurianai huilewi multiple security sources para kuishey ki itu toh Israel laga spy agency Mossad para undertake kurishey.