Peren, 07 January: Peren district pithor laga Benreu bosti te ekta non Naga laga dead body kon para be tai ke najana toh noti (river) te paise. Etu toh, January 07, 2021 te ekta bosti manu sikhar/hunting jaa para paise.
Bosti manu khan para dead body powa to haji 2:00 pm nesana samai te paise koise aro etu eki khobor toh police ke janaideya thakise koise. Police team khan 3:30 pm nesana te ponjishe aro body toh Peren te loijaishe koise.
ABSI Peren para etu khobor toh NagalandEszpress ke confirm korise aro koise, kon para be najana non Naga moda laga body toh District hospital Peren te rakhise. Tai para be body toh post mortem nemite kali morning Dimapur te pothabo/send koise.
ABSI hisab te, police team para Benreu villagers aro neighbouring villagers ke hota-hoti korise hoilebe dead body te kon para be identify kora nai. Police para primary investigation te gao te jokhom toh powanai. Aro mora toh dhanda para morise naki suspect korise.
Add Comment