April 01, 2024 : Ekta 29 saal laga maiki, kun toh hoiley Liina H Chophi asey koishey, kun toh hoiley khobor hisap tey, March 30th 2024 tey missing hoishey, koi asey, Thamman ward tey para, Mon Town tey para, itya bhi bisari kena ulaboley para nai, eneka thakilebi police laga investigation toh chuli asey.
Mon laga Police laga Superintendent – Wapang Longkumer para janaishey ki, information pawa hisap tey, itu police para ekta search operation launch kurishey, tai thaka laga last location tey para, itu police para discover kuriboley parishey ki, tai toh hoiley Dimapur para jai thaka Sumo tey thakishey, 6:10 am tey, Saturday tey. Itu toh hoiley aru janiboley parishey, itu sumo laga driver para aru alag passenger khan para ki, Liina toh hoiley Mariani tey para nami jaishey, koi kena, SP para koishey.
Subsequent para Mon laga police para SP Jorhat police tey contact kurishey, itu pichetey ekta police laga team, Mariani tey toh hoiley depute kurishey, itu hari kena thaka maiki ke bisariboley.
Add Comment