MUMBAI: Mumbai laga civic transport undertake kora BEST laga 33,000 opor employees jua adha-rati para strike kora suru kurishe. BEST employees khan tai khan laga demand toh pura kuribole mangi ase etu te employees khan tai khan laga salaries bhi uthabole demand kuri ase. Judi etu demand toh pura no kurile, employees khan warn kuri as eke tai khan bus services paralyse kuris dibo. Bus services jua kali no Chula nimite 25 lakh commuters khan bishi dikdar paishe aro judi employees khan laga demand pura huwa nai koile etu inconvenience hoi thakibo koishe. Tuesday te Union leaders khan laga kotha huna pichete staffs khan para 27 depots para bus ekta bhi ula nai. Brihanmumbai Electric Supply and Transport (BEST) administration aro industrial court para etu strike toh illegal ase koile bhi employees khan para strike toh kurishe.
Local trains pichete BEST toh Mumbai laga dusra sob para dangor transport mode ase. Etu para daily 80 lakhs opor passengers khan ke loi kena berai.
Source koishe employees khan para strike kora nimite BEST services toh din te Rs. 3 crore laga loss hoishe.
Shashank Rao BEST Workers’ Union laga leader koishe stalemate resolve kuribole transport body laga administration para ekdam callous approach kuri kena dekhaishe etu nimite tai khan strike kuribole lagishe. Shashank Rao BEST Workers’ Union laga leader para etu strike toh suru kurishe.
Monday te industrial court para etu strike toh illegal thaka declare kurishe. Aro labour unions aro BEST staffers khan ke etu protests khan kuribole para rukhaishe. Hoile bhi Mr Rao koishe tai khan strike kora tok bhi tai khan court para eku order receive kora nai koishe.
Etu sob majote kunba commuters khan para strike against te kotha kurishe. Commuters khan koishe hodai employees aro BEST administration majote huwa jhamela te commuters khan he duk toh pai thake. Kile common manu aro passengers khan he duk toh pai thake.
Add Comment