Houston, 18 November : Pop icon Beyoncé December 25 din Houston Texans aru Baltimore Ravens laga game live Netflix te perform kuribo ready ase. Beyoncé laga hometown Houston te, Houston Texans NRG Stadium te Baltimore Ravens ke host kuribo, Variety laga report hesaap te.
Upcoming appearance laga details kom ase, kintu Beyoncé ke “Cowboy Carter” album te feature kurise nishna special guests ke welcome kuribo expect kora ase. Performance Parkwood Entertainment aru Jesse Collins Entertainment para produce kuribo.
Netflix ekta promotional photo aru video Beyoncé laga reveal kurise, jun te tai ekta red, white, aru blue leather outfit para ase, tai “Cowboy Carter” era te rakha theme match kurikina. Video te tai football ekta catch kurise ekta car, jun roses para banai ase aru license plate “BRNCNTRY” likha ase.
Dusra side te, Beyoncé recently Grammy Awards nominations te sabse besi secure kurise. Tai “Cowboy Carter” album karone 11 nominations paise, jun Record, Song, aru Album of the Year nishna major categories te compete kuribo, Variety laga report hesaap te. Beyoncé, jun etia tak Grammy wins karone record rakha ase, pop, rap, country, aru Americana categories te nominations paise. Kintu Album of the Year karone Grammy jitibo tak bhi etia tak nai, tai etia tak char bar snub kuri dise. Tai 2010 te I Am… Sasha Fierce, 2015 te Beyoncé, 2017 te Lemonade, aru 2023 te Renaissance karone nominate kurise kintu jitibo napai.
Add Comment