India, 18 December : Basketball Federation of India (BFI), Captains Professional Basketball Pvt Ltd (CPBL) logot partnership te, Wednesday din Pro International Basketball League (InBL PRO U-25) laga launch announce kuri dise.
League January 15, 2025 pora shuru hobo aru chhoi teams championship karone compete kuribo. Proti din ekta match khelibo aru final four March 2025 shuru te Abu Dhabi te hobo. Players laga auction January 9, 2025 te rakha hobo, jun te India aru international players, USA, Australia, aru New Zealand pora bhi participate kuribo.
InBL PRO te chhoi franchises thakibo aru itu league India aru duniya laga best young talents ke ek jagah te anibo. Har ek team te 12 players thakibo — 6 Indian players jun under 25 hobo aru 6 international players. Training aru development high-level te rakhibole, league te 12 international coaches aru 6 Indian assistant coaches thakibo.
New Zealand National Basketball League (NZ NBL) laga Commissioner Justin Nelson, Indian Panthers naam laga ekta franchise InBL ke dibi dise, juntu Indian talents ke NZ NBL, duniya laga top 10 leagues te ekta international platform dibo. Itu laga hisab te, 10-12 top Indian players Auckland, New Zealand te 5 months training aru stay kuribo, aru India represent kuri weekly international games te high-level competition khelibo.
Add Comment