Agartala, February 22, 2025: Ekta bia khobor te, Khowai District Hospital te, Ama ekta ke bhal para nasa karne murishe koishe, yete taikhan thik GB Pant Hospital Agartala te loija homoi te murishe koishe.
Ama laga family khan para Hospital laga Gynecologist ke bodnam kurishe, Dr. Arghamallya Debbarma ke, yete tai bhal para medical nadea nimete murishe koikina.
Family khan laga hisab te, December 7 din te, Anima Tati toh Khowai District Hospital te loi jaishe koishe,yete bacha bukhea nimete. Aru etu eki din te, Dr. Arghamallya Debbarma para C-Section kurishe, aru Bacha chokra paishe koishe. Hoilebi etu surgery kurea pichete, Anima Tati toh duk pai thakhishe koishe. Aru tai laga family khan para koishe ki, tai toh etu operation kurea pichete Pisab kuribole napare hoishe koishe.
Etu pichete Dr. Debbarma para family ke koishe ki, taike BG Hospital, Agartala te loi jabi koishe advanced medical care nimete. Hoilebi taikhan GB Pant Hospital punchishe le, Anima toh bishi serious hoishe koishe Kidney te. Aru tai laga kidney toh kaam nakurea hoishe. Aru etu toh C-Section te operation kurea homoi te hoishe koishe, Khowai Hospital te.
Aru etu operation kurea pichete, etu ama laga pisab kurea laga tracts toh jokhum kuri dishe, aru etu toh bhal hobole naparibo koishe. Etu jamala para Family khan gusa uthi kina, Khowai Police Station te case toh dali dishe koishe, Dr Debbarma laga Upor te.
Add Comment