March 11, 2025, 05:20 PM: Wokha laga Bhandari tey muhina laga SDPDB meeting loishey, Summer House-Cum-Guest House, Bhandari laga Conference Hall tey para, tatey MLA aru Bhandari laga SDPDB laga chairman – Achumbemo Kikon logotey, 10th March, 2025 tey.
Additional Deputy Commissioner, Bhandari, Longasen Lotha para notun member khan ke welcome kurishey, itu board ke aru last meeting laga olop homoi laga kotha khan review kurishey.
Itu ajikali laga confrontation review kuri kena, itu Old Ralan laga public aru Central Reserved Police Force, (CRPF) majetey, kuntu toh hoiley DAB area tey thaki kena asey, MLA & Chairman SDPDB, Achumbemo Kikon para state kurishey ki, kun laga bhi right nai interfere kuriboley karney, nahoilebi dikhdari diboley itu developmental activity khan tey, kuntu toh hoiley ancestral mati tey undertake kuria laga thakishey.
Uriamghat laga Border Magistrate – Tsenthungo E. Ngullie para itu house ke highlight kurishey ki, jhamela hoa shuru hoishey, kitya CRPF khan para IOCL technical expert khan para Solar Panel install kuri thaka toh rukhaboley kusish kurishey, tai para aru koishey ki, petrol pump toh hoiley Old Ralan bosti laga ancestral mati bhitor tey asey.
Add Comment