November 7, 2024: Bhandari Town para Bhandari Local ground deh 45th Tokhu Emong Festival keh manai shae. Taikan para festival tho “marching forward in unity” laka theme pitor deh manai shae, 7th November 2024 din deh. Program deh T. Yanpvunthung Kikon NCS, Additional Secretary, Department of School Education & SCERT tho special guest taki shae.
Programme deh kotha kuri nah, Kikon para community keh success wish kuri shae aro jama kura manu kan keh forgiveness, love laka sense deh jiti bole urge kuri shae. Tai para mukan tho rich cultural heritage lokot deh blessed ase kui shae, kuto sob manu kan practice aro preserve kuri bole lakeh.
Etu laka agae deh, Rev. Wosamo Humtso para Tokhu Emong festival history aro Lotha ancestors laka practices keh share kui shae. Rev. Father, Victor Renthungo Odyuo, Diocese Kohima para greetings kan share kuri shae.
Celebration deh ekta traditional dance aro folk songs kan taki shae, kuto Eleo Hoho Bhandari aro Bhandari village para present kuri shae.
Din laka event tho ekta tug-of-war lokot deh kotom hui shae, kuto 45 Assam Rifles para jiti shae.
Add Comment