August 2, 2026, 6:38 PM: Olop din khan para bishi heavy para pani gira pichetey, ekta major landslide hoishey, Old Tssori Village tey, itu ekdam fujur tey, 31st July, 2026 tey.
Associate Pastor, Baptist Church, Old Tssorii village, Robert Ngullie para inform kurishey ki, itu landslide khan toh hoiley pura puri itu Church laga retain kuria wall khan aru aas paas laga compound khan bhi milai kena loi jaishey, itu office building toh hey chari di kena, kuntu toh aru-bhangiboley nishina hoi kena asey, itu Church building toh ekta risk laga position tey thaki asey.
Itu Associate Pastor para chinta thaka laga express kurishey, ki, itu landslide khan para toh hoiley mati khan tey crack khan banai di kena asey, aas paas jaga sob tey, itu Church building laga aru itu laga office building khan tey, itu para bishi risk banai di kena, manu laga life aru property khan opor tey, utu area laga.
