Bhandari te Departmental Sports Week laga 5th edition khotom hoisey

Wokha, March 13 : Departmental Sports Week laga 5^th edition, kuntu toh 10^th para 12^th March, 2025 tak Wokha laga Bhandari te hoisiley etu toh 12^th March 2025 te khotom hoisey. 

Bhandari laga Additional Deputy Commissioner,Longasen Lotha para Bhandari sub-division laga head of departments aro government servant khan ke etu Sports Week tu successful banaidiya nimitey taikhan laga naam uccha kurisey. 

Tai para etu event te participate kora manu khan ke etu samjhaisey ki Sports Week tu khali jeeta laga bari te hey nohoi hoilebi nijor ke gao aro dimak para healthy aro active rakhibole laga bari te asey. Etu tournament para bhal rishta banabole, team te kaam kurikina friendship aro discipline promote kuribole laga ekta platform diye.

Etu tournament te pura-puri 24 department participate kurisey. Final football match te, 7^th NAP para School Education Department ke 4ta goal para haraidisey. Badminton singles te, district administration para Education department ke haraidisey. Aro doubles te 7^th NAP para final te district administration ke haraidisey. Carrom singles te, Government Higher Secondary School(GHSS) para forest department ke haraidisey aro carom doubles te 7^th NAP para GHSS ke haraidisey. District Administration aro DEF, Wokha para Women’s penalty shootout te Social Welfare team ke haraidisey.