WOKHA,SEPTEMBER 27,2019: Bhandari laga town hall 26th September 2019 Beti Bachao Beti Padhao bithor te District administration, Wokha khan para Teenage Pregnancies aro POCSO Act 2012 laga Sensitization Programme loishe .
Tiameren Chang, ADC Bhandari, tai laga short speech te student khan ke khada hubi koishe aro society ke bodli kuribole koishe bhal ekta hikibi aro aji para kiba ekta bhal kuribole koishe.Tai para aro bi manu khan ke plastic khan nachulabole aro etu laga effects health aro environment uporte te ki hoi etu uporte kotha kurishe.
Dr. Tiamenla Phom, NPS, Deputy Commandant, 7NAP, Bhandari para protection of children from sexual offences Act 2012 uporte kotha kurishe . Protection of children from sexual Offences (POCSO) kuntu toh shuru kurishe bacha khan ke sexual assault, sexually harassment aro pornography para bachabole nimete .Etu act bithor te etu offence toh sajaa pabo jail te jaikena .Tai para tai laga speech toh etu issue te documentary show kurikena khotom kurishe.
Dr. Chumben, Medical Officer, CHC, Bhandari para teenage pregnancies laga awareness aro teenage pregnancy laga khatra uporte kotha kurishe.Etu programme toh Dr. Riku Khutso, EAC Bhandari para loishe.
Add Comment