WOKHA ,JUNE 10 ,2019: Bhandari Town Eloe Hoho khan 8th June 2019 te 2019-2021 sal laga nutun office bearers khan nimete election loishe .Etu election toh Town hall, Bhandari te loishe etu te jai thaka President Hoho, Thungsali Odyuo ke president nimete aro wapas chunishe .Maiki khan jamaa kura jaka te kotha kura time te tai para tai khan ke dhandyaabad koishe tai ke biswaas thaka nimete aro bi ek bar aro tai khan Bhandari town khan ke hi nohoikena society khan ke bi modot kuribo koikena janaishe .
Bhandari town toh ekta border area thaka nimete etu ekta gateway ase Wokha district te ghussibole nimete Tai saikena koishe ki maiki khan milikena uthabole lageh .
Tai para jai thaka team members khan ke mon dikena kaam kura nimete dhandyaabad kurishe .Dusra members chunikena thaka members laga naam toh Mhonyani Mozhui, Vice President, Liyingbeni Yanthan, General Secretary, Tenchilo Odyuo, A/Gen Secy and Lonyimi Kinghen, Treasurer ase.
Lochumlo Mozhui, Women leader, Bhandari town Baptist Church para dedicatory prayer kurishe .
Add Comment