Agencies, 23 September: Wednesday te All India Bank Officers’ Confederation (AlBOC) para ‘Bharat Bandh’ farmer group Samyukta Kisan Morcha (SKM) para September 27 te thakibole kowa te tai khan laga support janaishe.
Bank officers’ association, AIBOC para government te request korise Samyukta Kisan Morcha logote tai khan laga demands te kotha aro suru koribole tinta chamela farm laws hatabole nemite.
Union para ekta statement te AIBOC affiliates aro state units toh Monday te desh te farmers laga protest actions logote melibole join hobole ase koise.
Centre laga tinta farm laws kelaaf September 27 ‘Bharat Bandh’ nemite guidelines dekena, Samyukt Kisan Morcha (SKM) para etu toh shanti para hobo koise aro farmers para public khan konti dekthari lok hobo nemite ensure koribo koise.
Bankd toh 6 am para suru hobo aro 4 pm tak thakibo koise. Etu bondh kora samai, central aro state government offices, markets, shops, factories, schools, colleges aro tusara educational institutions toh jolibole namanibo koise.
Public aro private transport toh rasta khan te perabole namanibo koise. Pubmic functions khan te namanibo koise. Khali emergency services (ambulances aro fire services be melikena) bandh samai jolibole manibo koise.
Farmer protests toh Wednesday te 300 din kothom korise aro nama laga sign toh nai koise. SKM toh 40 opor farmer unions laga umbrella body ase aro tai khan para farmers toh nine moina opor protest kori ase koise kelay koile government chamela farm laws te nahata nemite koise. Delhi borders te lakhs farmers khan protest kori thaka toh tai khan laga echa para nahoi koise.
SKM para farmer laga protest toh tai khan laga livelihoods, basic productive resourcs aro next generation laga future bachabole nemite ase koise.
Add Comment