New Delhi: Centre para security cover armed CISF commandos ke Hyderabad, Bharat Biotech bahar te rakikena ase. Etu jaga toh desh te sobse tangor COVID-19 vaccine jaga ase, koikena Tuesday din officials khobor para janaishe. Tai khan para koishe ke, Telangana’s capital city, Genome Valley Shameerpet jaga toh registered office aro company plant ase, etu jaga te 64 armed personnel paramilitary force team para sai ase koishe. Union home ministry para olop din akhe te etu jaga te Central Industrial Security Force (CISF) rakiboli manishe, etu nemite forces para survey loishe, koikena news agency PTI logot janaishe. “etu organization toh besi important facility ase, desh laga medical & health security ase, etu nemite dosura manuh para thiktari nakoriboli nemite security rakishe aro CISF para Hyderabad te Bharat Biotech facility toh guard kori ase,” koikena officials para koishe. Etu facility te June 14 darik din para force aniboli ase koikena CISF Deputy Inspector General & Chief Spokesperson Anil Pandey para PTI logot koishe. Bharat Biotech toh COVID-19 vaccine Covaxin bona company ase. Itya India te Covaxin aro Covishield (Pune-based Serum Institute of India para bona vaccine) toh manuh logot jolai ase, etu oper te coronavirus bemari samai citizens logot Sputnik V vaccine toh be olop-olop jolai ase koishe. 2008 Mumbai terror hamla howa beche, CISF logot private installations of public importance manishe, etu samai 5 -star luxury hotels aro Jewish Chabad house toh the Pakistan-based terror outfit Lashkar-e-Taiba members khan para hamla korishe. Etu forces khan para itya desh te 10 facilities neshina- Infosys campuses Pune aro Mysuru, Mumbai te Reliance IT Park Navi , aro Uttarakhand’s Haridwar Yoga exponent Ramdev’s Patanjali factory te sai ase koishe.
Add Comment