Dimapur, 19 December: Thursday din DC’s Conference Hall, Dimapur deh Bharat Scouts & Guides Association, Dimapur para induction ceremony loise.
DC Dimapur, Anoop Khinchi, IAS toh District President nemide suru korise aro SDEO Dimapur aro C. Chenirao Humtsoe toh District Secretary nemide suru korise.
Jama howah manu khan ke kotha kora time deh DC para sob Bharat Scouts & Guides Dimapur laga officers ke thanks janaishe kelay koile tai ke samaan deya nemide. Tai para be NCC deh tai laga experiences thaga koise. Kushi powah kotha janaideya time deh tai para be Bharat Scouts & Guides Association Dimapur ke tai laga full support debole janaishe.
Flag ceremony aro oath taking toh District Organising Commissioner, D.M Agay Joseph para loise aro Bharat Scouts & Guides Dimapur laga students para Scouts & Guides item present korise. Programme deh Assistant District Organiser, Aotoshi Imchen toh chaired thakise.
Add Comment