Bhari commercial gari khan NH-27 tey bira toh mana kuridishey

Guwahati, Sept 04: Assam Police bhari commercial gari khan Assam laga Dima Hasao district tey Jatinga aru Harangajao la beech tey National Highway 27 (NH-27) tani na jaa tey bira bole mana kuri dishey. Bar bar pani giri thaka, mati aru road surface collapse hoa aru construction work chuli thaka khan karne, bhari commercial gari 12-wheels nahoilebi opor logotey khan bira, including lamba trucks aru trailers (length tey 24 feet koa opor) khan milai, toh temporarily mana kuri dishey Jatinga para Harangajao tak jaa rasta NH 27 beech tey Dima Hasao district bitor tey, Assam Police CPRO, Pranabjyoti Goswami, Wednesday (September 4, 2024) phujor tey press statement ekta tey kuishey. Itu karne, ineka bhari gari khan sob – 12 wheelers nohoilebi bishi aru lamba trucks aru trailers khan, Barak Valley tey aru Barak Valley para birai thaka, aru itu koa agey khan alak rasta Meghalaya (National Highway-6) para jaa toh lobo lage agey orders na ha tak, CPRO Goswami milaishey. Etu NH-27, east-west national highway ekta, Gujarat laga Porbandar para shuru hoi aru Assam laga Silchar tey khotom hoi. Etu highway Gujarat, Rajasthan, Madhya Pradesh, Uttar Pradesh, Bihar, West Bengal aru Assam khan pass kure. Assam tey, etu highway toh Bongaigaon, Bijni, Howly, Patacharkuchi, Nalbari, Rangiya, Guwahati, Nagaon, Hojai, Lanka, Lumding, Haflong aru Silchar khan pass kuri kena jai.