Bhilai Steel Plant bhati kena manu mura 11 jun huise

RAIPUR, OCTOBER 10 : Tuesday din Bhilai Steel Plant bhati kena jui jula time te manu kan 9 jun muraidese aro 14 jun tusera jukum kuride kena thakise. Huilebi aro Wednesday din te jukum huikena thaka kan 2 jun nesena murise. Etubi ekdam biya pora jukum huikena thaka 2 jun. Aro tai 2 jun mura toh Hospital te sabole luijai kena thaka mura laga ase. Aro etu pora 11 jun nesena murijaa huise koi kena, Official pora Wednesday din te janaise.Etu bhata chamala nemite bi etu Bhilai Steel Plant laga Chief Executive Officer aro tusera 2 jun Senior Officials kan hataidiya huise. Aro etu khobor toh kedia Union Steel Minister Chaudhary Birender Singh toh Jawaharlal Nehru Hospital, Bhilai Town lag ate jukum hua kan logot lok kuribole jaa time te janaidiya laga ase. Etubi Raipur pora 30 km dur Hospital te. Etu CEO toh M Ravi koi kena mati. Aro tai hataidiya toh etu khobor kura time porahi hatijabole hisabte janai ase koise. Aro tusera 2 jun toh General Manager (Safety Department) T Pandya Raja aro Deputy General Manager (Energy Department) Naveen Kumar 2 jun ase. Aro tai 2 jun ke bi hataidese (Suspended) koi kena Birender Singh pora khobor kura kan ke janaise.