Bhole Baba laka lawyer para Hathras stampede tho planned taki shae kui shae

July 7, 2024: Preacher Bhole Baba laka lawyer, AP Singh para Sunday din deh, 15-16 manu para religious event deh poison spray kura karne, Hathras stampede tho hui shae kui shae. Lawyer para stampede tho trigger kura piche deh conspirators kan venue para polai jai shae kui shae. Jua hapta, Uttar Pradesh laka Hathras deh ekta religious event taki shae aro etu religious event hua time deh stampede hua tho 121 manu muri jai shae. Etu religious event tho preacher Bhole Baba keh dedicated taki shae. Lawyer para stampeded tho planned taki shae kui shae. “Ekta mun bika laka incident hui shae, Etu conspiracy deh 15-16 jun ase. Permission tho lui nah taki shae, Mao tho permission deh attached taki shae. Stampede laka jaka deh kun bah najana gari kan taki shae. 10-12 jun kan para poison spray kuri shae. Witnesses kan para maike kan giri taki shae kui shae aro sas lubo napara karne manu kan bishi muri jai shae. Taikan spot para bolai jai shae. SIT aro SP Hathras kan investigate kuri ase. CCTVA footage kan keh seized kuri bole lakeh, utu gari kan keh identify kuri bo karne. Etu kan sob planned taki shae,” tai para claim kuri shae, PTI laka isap deh. Preliminary probe report para organizers kan event karne permission secure kuri shae kui shae, 80,000 laka maximum turnout karne. Hoile b event deh 2.5 laka upor manu kan jama hui shae. Event deh Bohle Baba, gila mati deh birai taki shae aro stampede tho allegedly, Bhole Baba laka supporters kan utu gila mati lu bo karne rush kura time deh hui shae.