Madhya Pradesh, Bhopal, 11 November 2024: Autorickshaw driver ke dhurishey allegedly maiki ke rape kura nimite Madhya Pardesh, Bhopal te Saturday din te.
Police khan kwa laka hisap pra maiki 32 saal toh Bhopla laka Teela Jamalpura jaka te thake aro ghor khan ke cook kura laka kam kureh. Tai accused, Sajid ke b jani thakishey.
Victim toh Friday din te court te jaishey aro wapas ghor ja time te Sajid ke lok paishey tai pra tai koishey ki tai laka ama taike lok pabo mon ase. Tai Sajid ke jana karne ghor te jaishe tai laka ama ke lok pabo leh. Hoileh b ghor te punchi kina tai jani paishey ki ghor te toh kun b thaki nai. Tai ghor jabo leh koshis kuri shey leh Sajid allegedly door bon kuri dishey aro maiki ke physically assault kurishey aro rape kuri dishey.
Maiki chilai shey, tadeh pra ghor osor manu khan jaka te ahi jaishey. Sajid tadeh pra polai jaishey.
Victim pra complaint lodge kurishey police lokot, enika hoina case register kurishey aro search shuru hoishey Sajid nimite.
Maiki pra complaint te koishey ki Sajid taike pressure kurishey shadi kuribo karne.
Sajid ke Sunday din te dhurishey aro investigation jai ase, police pra koishey.
Add Comment