Bhubaneswar, 13 December : Ekta High-Performance Centre (HPC), juntu badminton excellence promote koribo nimi te dedicate kora hoise, Thursday din Bhubaneswar laga Kalinga Stadium te Odisha laga Chief Minister Mohan Charan Majhi inaugurate korise. Assam laga Chief Minister Himanta Biswa Sarma bhi itu event te part luishe, aru India laga Chief National Coach Pullela Gopichand aru Dalmia Bharat laga Managing Director Puneet Dalmia bhi present thaikise.
HPC ekta three-way collaboration ase Odisha state, Pullela Gopichand Badminton Foundation (PGBF) aru Dalmia Bharat Group majote, aru etu ke “Dalmia Bharat Pullela Gopichand Badminton Academy” buli jana jabo.
Academy 77,000 sq. ft. indoor area te banano ase, jun te 8 badminton courts aru 400 seats spectator nimite ase. Itu advanced sports facilities aru world-class coaches laga guidance para young talent khan ke holistic training aru development nimite design kora hoise.
Etu iconic structure te modern residential facilities 50 players nimite ase, ekta gymnasium aru outdoor activities nimite amphitheater bhi ase. Terrace laga viewing ring para Bhubaneswar city laga ekta unique 360-degree panoramic view bhi pabo.
Add Comment