Guwahati, November 2 : Bhutan laga raja, Jigme Khesar Namgyel Wangchuk tu Guwahati te dui din laga visit nimitey ahibole tayar asey.
Bhutan laga raja Jigme Khesar Namgyel Wangchuck Guwahati te November laga 3 aro 4 tarik te ahibole ageyte public khan laga suraksa nimitey khas kurikina baccha, student, maiki, bura buri aro haath, theng, suku, kaan khan thik thak nathaka manu khan rasta te suraksit para berabole paribole nimitey aro Ambulance, Jui bujha gari khan free para aha juwa kuribole paribole laga jaga dibole nimitey gari aha juwa kora te November 3 aro 4 te etu restriction khan lagu kuribole asey.
- Guwahati laga under te thaka National Highway – 27 aro National Highway – 17 te 4ta aro etu para bisi chaka thaka saman bukha gari tu 3rd November laga phujur 7 :00 AM para rati 11:30 pm tak aro 4 November laga phujur 6 am para din laga 12 baji tak aha juwa kuribole allowed nathakibo.
- Guwahati laga DG Road aro MG Road te November 3 laga phujur 5 am para din laga 12 baji tak 3 chaka saman bukha gari aha juwa kora allowed nathakibo.
November 2 te, Bhutan Ambassador to India, Maj Gen Vetsop Namgyel para Wednesday din te Assam laga Chief Minister Himanta Biswa Sarma ke Raja Jigme Khesar Namgyel Wangchuck para rajya te 3 din nimitey private visit kuribole thaka agey te call kurisiley.
CM Himanta Biswa Sarma para etu Ambassador te janaisey ki rajya laga official aro manu khan logotey milikina tai ty Bhutan laga Raja ke tailaga Rani logotey swagat kuribole nimitey excited(eman khusi) asey.
Add Comment