Bhutan te COVID-19 para 1st manuh morishe

January 9, 2021. Bhutan te 10 moina neshina pithor te first COVID-19 bemari para manuh moriishe. Puila etu virus thura beche entry points khan bondh korikena thakishe. Bhutan health ministry para Thursday din statement te koishe, 34 umer manuh toh  chronic liver bemar nemite hospital te capital Thimphu para morishe. Khobor hesab te Bhutan te Covid-19 cases toh 767 paikena ase aro kam kora hesab te 300,000 neshina manuh logot test loishe. March moina te American tourist ek jun logot bemari toh first thurishe. Besi hoshari kam kora te Himalayan desh te 750,000 manuh neshina ke ahiboli mana korishe aro kaun manuh bahar para ahai tai khan ke mandatory quarantine koriboli thishe. Etu beche te Bhutan para tai khan laga desh border toh bondh korishe aro tui(2) paar lockdown korishe aro entry points sob te testing aro screening toh ekta kali international airport Paro te loishe. Desh te itya 13 notun bemari paikena ase, hotai din laga average toh 56% neshina toh December moina te pongchise.