United States, 20 November 2024: United States President Joe Biden agree kurishey Ukraine khan ke anti-personnel land mines dibo leh, US defense officials khan pra BBC ke koishey. Recent months te Ukraine laka east te Russian troops khan aste aste ahi thaka khan ke slow kuri boleh attempt nishina ase etu move kura toh.
Officials, kun khan anonymity laka condition te khota kuri thakishey, taikhan kuishey etu mines khan toh joldi punchai dibo aro Washington expect kuri ase etu khan Ukraine laka territory te chula bo.
Ukraine khan b committed ase mines khan toh manu bishi thaka ke nachu laboleh, officials pra koishey.
Separately, US State Department pra koishey tai khan Kyiv te embassy toh bon kuri dibo, tai khan November 20 te potential air hamla laka specific information paileh.
Caution laka abundance pra, embassy toh bon kuri dibo aro embassy laka kam kura manu khan ke koi dishey jaka te shelter lubi koina, statement te enika koishey.
US embassy pra US laka manu khan ke recommend kuri ase ki tayar thakibo leh achanak shelter lubo leh eni air alert announced kurishey loi leh.
Overnight, Ukraine aro Russia duijun b report kurishey major drone laka hamla tai khan laka nijor jaka te. Nuksan hoishey na nai etu toh direct janai dinai.
Anti-personnel land mines laka provision toh sopse nutun move ase outgoing US administration pra kura laka, Ukraine laka war effort toh bloster kuribo leh Donald Trump January 20 te White House te wapas naha agae te.
Add Comment