October 18, 2023: Israel laka Tel Aviv deh puncha lokot US President Joe Biden para media keh address kuri shae Israel laka Prime Minister Benjamin Netanyahu lokot deh aro Hamas laka against taila support express kuri shae war deh.
Biden para taikan laka top ally Israel aro Israel laka military campaign strongly support aro back kureh. “Mui aji yate taki bo mun jai taki shae. Israel aro dunia laka manu kan keh United States kuteh uthi nah ase, etu janai dibo mun jai taki shae,” Biden para kui shae.
“Hamas kan atrocities commit kura tho ISIS kan keh b bhal nishi nah dikai ase. Hamas kan Palestinian manu kan keh represent nakureh kui nah janai bo lakeh sob manu aro taikan khali bia heh ani shae,” tai kui shae.
Biden Wednesday din deh ahi shae Israel deh. Etu visit tho solidarity dika bole shuru kuri di shae. Plane para niche ahi nah Biden para Israeli Prime Minister Benjamin Netanyahu aro President Isaac keh embrace kuri shae tarmac deh.
Tuesday din deh Gaza laka hospital deh blast hua tho 500 manu keh murai di shae aro Hamas aro Israel taijun b ekjun ekjun keh botnam di ase etu karne. Hamas para blast tho ekta Israeli rocket para kuri shae kui shae. Alak side deh Benjamin Netanyahu laka government para taikan tho hamla deh eku role play kura nai kui shae. Israeli military para Palestinian militants laka rocket misfired hui shae kui nah botnam di shae.
Biden ara Netanyahu keh hamla tho alak team para kuri shae pareh kui nah kui shae taikeh.
Add Comment