Biden para G7 Summit dey Ukraine logot notun Security Agreement sign kuribo

Washington, 13 June : U.S. President Joe Biden para itu desh ke America laga long-term support pledge kuriboley Thursday dey Ukraine logot ekta notun security agreement sign kuribo, Italy dey Seven democracies laga group laga leaders logot ekta meeting dey, ekta top U.S. official para kuishey.

Biden toh Wednesday dey Italy jawoley depart kurishey Russia laga upar dey Ukraine khilaf war thakia dey pressure uthawoley, aro China ke Moscow laga support aro excess industrial capacity karney.

White House para agey dey kuishey ki Biden toh Ukrainian laga President Volodymyr Zelenskiy logot itu summit dey log pawo, kuntu piche dey ekta joint press conference thakibo. U.S. para Biden ke India laga Narendra Modi logot bhi log pawoley expect kuri asey, kun third term karney prime minister huishey aro itu summit dey India ke formally Modi laga attendance confirm kuriboley rukhi asey.

Biden, 81, Tuesday shaam Wilmington, Delaware dey tai laga ghor dey thakishey, ekta 12-member jury para tai laga mota bacha Hunter Biden ke convict kurishey, kun 2018 dey illegally ekta bandook kinia aro tai laga drug use upar dey misa kuishey, kuntu karoney tai sitting U.S. president laga bacha ekta crime karney convict hua agey asey.

G7 leaders bhi electoral challenges samna kuri asey, kitia polls para indicate kurey asey kk British Prime Minister Rishi Sunak toh ahia mahina ekta national vote dey power haribo, aro France aro Germany laga leaders khan toh recent European elections para haar logot ahi asey.