Bihar, 10 April 2025: Officials khan laka convoy ke hamla kuri shey agitated bosti manu khan pra Bihar laka Siwan te kicha team toh jaka te thaki shey inspection karne Monday din te. Convoy toh, kute DM Mukul Kumar Gupta, MP Janardan Singh Sigriwal, Deputy commissioner of the Central School Anurag Bhatnagar, administrative officials aro alak government officer khan Teghra Harkeshpur bosti te jaishey inspection karne mati laka school building karne. Taikhan wapas time te, officials khan ke ambushed kuri shey bosti manu khan pra kun jama hoi kina thaki shey advance te. Local resident pra incident laka video toh record kuri shey kun te dikhi paishey DM, MP aro alak officials khan laka gari, VIP security guards khan aro alak officials gari khan lokot. Taikhan ke hamla kuri shey khuri, rods aro phator pra bosti manu khan pra. Maiki aro mota khan b physical fight te gusi jaishey security personnel khan lokot.
Hamla hwa pichideh, Jitendra Kumar, ekta local manu, case filed kuri shey Maharajganj police station te. Siwan laka senior superintendent of Police (SSP) Neeraj Kumar Singh pra incident toh confirmed kuri shey, koishey FIR filed kuri shey eighta named manu against te aro several unidentified manu opor te b. Singh pra koishey, 14 manu ke dhuri shey questioning karne. Kun ke innocent pra taikhan ke chari dibo. Hoileh b solid evidence lokot against taikhan ke toh legal consequence face kuribo.
Add Comment