Patna: Board examinations te cheating kuribole nadibole laga alak he kadam Bihar government para jua kali order issue kurishe ke students khan kun class 10th examination de ase tai khan compulsory chappal lagai kena ahibole lage.
Bihar School Examination Board para tai khan laga official notification te koishe students kun ghuta (shoes) aro moja (socks) lagai kena examinations te ahibo. Tai khan kun ke bhi examination centers khan te bhusibole nadibo koishe.
Etu saal 16 lakh opor students khan 1,400 centres te examination dibole ase.
News agency IANS laga khobor hesab te cheating rukhabole laga dusra alak kadam te board para rubber (eraser) aro blade bhi bon kurishe. Aro dusra prohibitory orders laga te sob examination centers para panchta manu nohoile bhi etu para bishi manu khan toh duiso (200) meters du rte thakibole lage. Cheating rukhabole nimite security forces khan bhi lagai kena ase.
Government para etu saal cheating rukhabole nimite etu kara kadam khan uthaishe.
Add Comment