New Delhi: Supreme Court para koishe ki COVID-19 toh ground nohoi elections te akhe kuribole nimete koikena Friday din te ekta PIL kun tu para Bihar assemblypolls toh diri kuribole nimete state toh coronavirus para free nohoa tak toh mananai.
Justice Ashok Bhushan laga bench para koishe Election Commission of India para etu khan sob toh sabo.
Etu bench te aro bi Justices R S Reddy and M R Shah thaka parea koishe etu toh thik nathaka petition ase kile koile etu assembly polls laga ekta bi petition etia tak dikena thakanai.
Etu petitioner para Chief Election Commissioner ke hokum dibole janaishe etu polls toh akhe kuribole nimete COVID-19 pandemic aro Representation of the People Act para polls khan halat thik nathaka samay te polls khan diri kuribole nimete deh.
Bench koishe ami khan kinika Election Commission of India (ECI) ke kobo elections khan nolobole nimete? COVID toh ekta valid ground nohoi elections khan akhe kuridibole nimete.
Petitioner council para koishe ki RP act te polls khan diri kuridibole nimete pareh halaat thik nathaka samay te.
Etu te bench koishe etu toh ECI uporte te ase manibole nimete aro court khan para poll panel ke kubole nimete elections nolobole nimete.
Petitioner counsel aro bi koishe ki election toh paramount nohoile hoilebi manu laga jeevan toh ase aro MLAs aro common manu khan te COVID-19 pandemic para dukh pai ase.
Bench koishe tai khan para order pass kuribole napareh polls toh diri kuribole nimete aro ECI khan etu sob haalaat khan toh sabo.
Aro koishe etu te ekta writ bi applied kuribole naparibo aro PIL toh hataidishe.
Add Comment