Agencies, 28 July: Bihar aro Nepal laga noti jaga phalli ektum bhari paani keri thaka nemide gara flood situation bonaise. Aro etu opor te sob major rivers toh danger mark opor te floor kori ase. Bihar te 25 lakh nesana manu ke toh hataishe (shift). Bihar government para relief aro rescue operations loise koilebe ektum beya halat te ase. Besi jaga laga traffic te dekthari paise.
Tuesday te water resources department para report deya hisaab te, Kosi, Veerpur barrage osor, te paani laga level toh 8 a.m te dangerous level te thakise. Etu nesana Gandak river te paani laga level be Balmikinagar barrage opor te danger mark par hoise.
Noti Bagmati, Budhi Gandak, Kamla Balan and Ganga nesana toh danger mark opor te flow kori ase.
Manu khan toh nejor laga khor charishe aro tusara jaga te thaki ase.
Disaster management secretary Ramchandra Dua koise, Bihar te, alak alak noti laga paani level toh othi thaka te shai kena, disaster management department toh thek para shai ase. Bihar laga 11 districts, 93 blocks te 765 panchayats toh paani otha karni para dekthari paise.
Flood howa jaga te komti hoilebe 29 relief camps bonaise aro tati 13,000 nesana manu khan thaki ase.
Ramachandra koise, 703 community kitchens toh joli ase aro etu para hotai din 3,28,357 manu ke feed kori ase. Tai aro koise, state te floods para 25 lakh manu ke affect korise. NDRF aro SDRF teams toh pura samai relief aro rescue operations loi ase. Konbah 1,67,005 manu ke toh bachaise. Hoilebe flood para eight manu toh morise. Etu mora khan toh Darbhanga aro West Champaran para jarta-jarta ase.
Chief minister Nitish Kumar para engineers ke embankments te 24 hours thakibole koise kelay koile emergency repairs toh lobole paribo nemide.
Komti hoilebe floods para 110 rasta affect hoise. Etu rasta laga 28 te traffic toh pura beya korise. Five road bridges, culverts nahoile tai khan laga contact paths toh beya hoise. Road construction official para 65 roads toh paani para flood hoise koise.
Add Comment