Agencies, 31 July: Friday te Bihar Minister and JD-U leader Maheshwar Hazari para actress Rhea Chakraborty toh Sushant Singh Rajput moranideya te “vishkanya” laga role play korise koise. News agency ANI te Hazari koise, “Sushant Singh Rajput moraideya bechae (behind) dangor gang ase. Poila talented manu kon Mumbai te kaam koribole jaise moraideya thakise. Etu gang para Rhea Chakraborty ke jolaise. Rhea Chakraborty para Sushant Singh Rajput ke love affair para phashaise aro tai laga poisa transfer korise. Etu bechide tai ‘bhoot pret’ (ghosts) laga drama suru korise aro ‘vishkanya’ laga role play korise. Tai para Sushant laga talent beya korise aro love te insult korise”.
Etu issue te CBI probe nemide shaa opor te tai aro koise, “Bihar government toh Sushant moraideya bechae, gang laga sob members naam lakae. Etu naam toh olabo lakae. Sushant laga family aro tai laga followers ke ensaaf pabo lakae. Ami para be CBI probe nemide request korise. Bihar government para be Patna te FIR register how ate investigation nemide ensure koribo aro accused ke thuribo”.
Etu agae te, Bihar Deputy Chief Minister Sushil Kumar Modi para be Mumbai Police toh Sushant Singh Rajput laga suicide case te state police para fair investigation nemide cooperate kora nai kowa thakise.
Tai koise, BJP toh actor mora case te Central Bureau of Investigation (CBI) para lobo nemide bhabona ase.
Sushil Modi para tweet te koise, “Mumbai police toh Sushant mora case te Bihar police para investigate kora te dekthari de ase. Bihar police toh besi kori ase hoilebe Mumbai police para cooperate nakori. BJP toh etu case te CBI para lobole nemide bonabona ase”.
Maharashtra Home Minister Anil Deshmukh koise, Mumbai Police toh case te investigate kori ase aro CBI te transferred nakoribo.
Maharashtra police hisaab te, etiya tak 41 manu laga statements record kora te filmmaker Mahesh Bhatt, film critic Rajeev Masand, director-producer Sanjay Leela Bhansali, aro filmmaker Aditya Chopra be melikena (include) ase.
Add Comment