Bihar Police para 12 jun keh arrest kuri shae, candidates laka nam deh exam lika karne

July 8, 2024: Sunday din deh Bihar police para 12 jun keh arrest kuri shae, alak candidates laka nam deh Central teacher Eligibility Test (CTET)- 2024 appear kura karne. Arrest kura manu deh tuita tho maike taki shae. Aro arrest kura manu kan tho, Darbhanga district deh taka alak alak examination centres deh appear kuri taki shae. Police laka isap deh, impersonation tho candidates kan keh biometric fingerprint scans kuri bo di nah detect kuri shae kui shae, examination centres kan deh. “Laheriasarai police station laka jurisdiction pitor deh, notha arrest banai shae, alak alak centres para. Tuita tho Sadar police station laka pitor deh duri shae. Aro ekta tho Bahadurpur police station pitor deh arrest hui shae,” Darbhanga SSP Jagunath Reddy para media keh kui shae, news agency PTI para report kuri shae. Report isap deh, action tho invigilators aro administration para file kura complaints isap deh lua ase. Police para sob accused hua manu kan laka against FIRs kan register kuri nah ase aro investigation kan itia b lui ase. Arrest hua manu kan tho insterstate cheating syndicate deh link ase nah nai, etu b investigate kuri ase kui shae, PTI para report kuri shae.