PATNA, OCTOBER 7 : Bihar laga Kasturba Residential School te etu school laga students aro moda bacha chakara huise. Etu time te Students kan pora moda bacha kan ke wabas jaijabi koi kena kotha janaise. Huilebi etu moda bacha kan kotha namani kena ulta-bolta kam kuride thakise. Etu karne etu Students kan pora tai kan neju ke pachabole kurikena etu moda bacha kan ke maridese koi kena kunoba dekha manu pora janaise.
Etu bejete olop thaki kena etu moda bacha laga bapa-amma aro khor manu kan bhorta jun etu school osorte ahese. Aro etu school laga students aro teachers kan ke maridese. Etubi etu moda bacha laga khor manu kan ke rokhibole kotha janaide kena thaka majutte.
Etu karne etu students aro teachers kan sob melekena 34 jun jukum huise. Aro tai kan sob ke Patna pora 250 km dur Saupaul District, Triveniganj Hospital te sabole luijaise koise. Aro etu chamala nemite bi FIR thalide kena ase koise.
Add Comment