April 22, 2021. Bihar government para coronavirus bemari kelaff te 18 umer oper manuh logot free vaccination kam soruh koribo, koikena Wednesday din te Bihar Chief Minister Nitish Kumar para junai thishe. Etu akhe te Uttar Pradesh, Madhya Pradesh, Assam aro itya Bihar governemnt para 18 umer oper khan ke free Covid vaccination thibo junaishe. Assam, Uttar Pradesh, Madhya Pradesh aro Chhattisgarh governments para olop din akhe te 18 umer oper khan ke free vaccine thiboli junaikena ase. Assam government para free vaccine toh 18 umer para loikena 45 umer khan logot free vaccine thiboli koikena ase. Assam laga Health Minister, Himanta Biswa Sarma para koishe ke, Centre para umer 45 oper manuh khan ke vaccines toh free para thiase. Tai aro koishe, jowa saal Assam Arogya Nidhi pithor te funds aha para vaccine toh kenibo. Tai koishe, Health department para jowa kali order te 1 crore doses keniboli janaishe koishe. Assam te 24 gonda pithor 1,651 bemari cases thurishe aro etu samai tin(3) jun manuh morishe. Kamrup Metro district te sobse besi 742 cases khobor paishe. Uttar Pradesh government para be May 1 darik para 18 umer oper khan ke COVID vaccine toh free para thiboli janaishe. Etu fesla toh Chief Minister Yogi Adityanath para meeting chaired kora samai janaishe. Cabinet para aro Prime Minister Narendra Modi logot tai para 18 umer oper khan logot vaccine thiboli kam soruh kora nemite dunyawad korishe.
Add Comment