PATNA:Officials koishe poultry chiriya khan ke Bihar laga jaga jaga te murai di ase. Etu toh state laga jaga jaga te murigi, crows aro dusra chiriya khan mura laga khobor pa nimite ase. Etu para state te bird flu laga pinic bishi hoishe.
Officials koishe Bihar laga Munger te 15,000 poultry chiriya ke murai di ase.
Poultry chiriya khan ke murai diya laga etu step toh Bhopal-based National Institute of High Security Animal Disease par bird flu or H5N1 confirm kora nimite ase.
Shrawan Kumar, animal husbandry officer koishe 2,000 para bhi bishi chiriya khan jua dui din te murai dishe etu bird flu spread hubole para rukhabole.
Jua hafta 3,000 genika murigi Andhra Chowki bosti te murishe. Andhra Chowki toh Patna Bihar para 20 km dur te ase.
Etu genika he dui dozen crows aro 3,000 genika murigi khan Masaurih aro Gaya district laga orchard te muri kena paishe.
Bosti te visit kora official koishe chiriya khan toh thanda para nah flu para murishe etiya bhi clear huwa nai. Tai khan laga samples khan Kolkata te test kuribo nimite loi jai kena ase.
Bird flu suspect kora laga first case toh December 3 te Munger laga Gorho bosti te register kurishe.
Add Comment