Bihar te May 15 dak Lockdown junaishe

Patna: Bihar te lockdown toh May 15 darik dak thakibo, koikena aji Chief Minister Nitish Kumar para COVID-19 cases besi othi-thaka nemite junaishe. Etu fesla toh olop gonda samai Patna High Court para government logot lockdown junai thiboli koikena thaka beche ase, nahoile court para kam koriboli koishe. Chief Minister para aji etu khobor toh sob ministers aro top officials logot meeting korikena fesla lowa toh social media posts te janaishe. “jowa kali ministers aro officials logot Bihar te lockdown toh May 15, 2021 darik dak tahkiboli fesla loishe, etu samai guidelines aro dosura kam koribo nemite Crisis management group logot action loboli janaishe,” koikena Mr Kumar para koishe. Tai laga government para crisis management group bonaikena ase aro etu khan para kam toh koriboli ase koishe. State te 11,407 notun COVID-19 cases aro 82 manuh mora khobor powa beche fesla toh loishe. State te sob melaikena case load toh 5.09 lakh ase aro2,800 oper morishe koishe. India 24 gonda majot te 3,57,229 notun COVID-19 cases khobor paishe aro 3,449 manuh morishe. Aji olop din akhe te Patna High Court para Bihar logot state te lockdown koriboli order thikena thakishe. State te olop din akhe rathi curfew toh March 15 darik dak thakishe. Mr Kumar para aro jawan manuh khan nemite free COVID-19 vaccination thakiboli janaishe.