Bihar te schools April 18 dak bondh

April 10, 2021. Second wave coronavirus besi beya para jai thaka nemite, Bihar Chief Minister Nitish Kumar para educational institutions toh April 18 darik dak bondh koriboli fesla korishe. Tai para koishe, retail commercial dukhan toh etu moina pura 7 pm dak kulibo. Patna te reporters logot kotha kora samai, chief minister para koishe ke, coronavirus 2^nd wave toh besi kara ase etu nemite rural aro urban jaga te joldi te spread hoikena jaiase. “state te corona bemar rokabo nemite partial lockdown aro rati curfew junaishe. Ami khan para thiki thaka te virus toh school bacha khan logot besi wala thuri ase, etu nemite educational institutes neshina schools, colleges aro coaching centres toh April 18 darik dak bondh thakibo. Ami khan para aro fesla korikena ketai kulibo halat toh saikena junai thibo,” koikena Kumar para janaishe. Educational institutes jarikena special guidelines toh retail dukan toh 7pm dak kulibo aro etu moina pura jai thakibo. Sob dukantar khan para Covid guidelines toh manikena mask mask lakabo aro sanitizers joboli janaishe. Puila logot toh itya 25% customers khan ke ahiboli thibo” kumar para koishe. “ami khan para aro private aro government events aro spiritual jaga neshina temples, mosques, churches, aro Gurudwaras toh be bondh koribo.” “ami khan para private aro government offices te kali one-third (33%) manpower jolaboli thibo, aro manuh mora jaga te kali 50 manuh ke jaboli thibo. Sathi kora samai 200 oper manuh thakile etu organizers khan logot kanon aro saijai thibo,” koikena Kumar para koishe. “ami khan para aro authorities logot koishe ke, public transport te 50 per cent manuh perabo aro cinema halls te 50 per cent manuh thakibo, etu nemite cinema hall malik khan logot Covi-19 guidelines toh manibe,” koikena Kumar para aro janaishe.