July 18, 2021. Bihar laga West Champaran, Lauria police station jaga osor te daru kaikena manuh mora toh 16 te othikena ase koishe. Police para 5 jun ke etu case nemite thurikena sawal kori ase, koikena District Public Relations Office, West Champaran laga khobor hesab te janaishe. ANI logot kotha kora samai, Lauria jaga laga local manuh logot besas ase ke daru kaa nemite mora ase koishe. “manuh khan toh ICU te admitted korikena ase aro daru nemite ase. Ami khan jani ase ke daru toh Lauria te bekai ase,” koikena local ek jun Bhola para koishe. Hoilebi, police para etu case nemite investigation jai ase. Etu akhe Lauria Police Station logot Friday din 8 jun mora khobor powa beche, police officials para team ekta bonaikena jaga-jaga sob te khuta loikena checking perai thakishe. “sob manuh para hoshari neum jolaikena, ghor manuh aro society laga dosura manuh khan para daru nakaboli lage,” koikena official khobor hesab te janaishe. West Champaran District Magistrate Kundan Kumar para Friday din te janaishe ke, “ami khan logot khobor ahishe ke West Champaran bosti te olop din akhe te 8 jun manuh neshina morishe, hoilebi tai khan laga ghor manuh nahoile bosti manuh khan para daru nemite eku kowa nai. Etu nemite FIR thikena case toh sai ase.” Bihar Deputy Chief Minister Renu Devi logot be investigation nemite janaishe aro itya investigation toh jai ase. Officials khan para kam kori ase hoilebi locals khan toh kotha koriboli tayar te nai. Ami khan para halat toh besi bhal te sai ase,” koikena Friday din Renu Devi para janaishe. District Magistrate of West Champaran aro Superintendent of Police, Bettiah para bosti manuh logot kotha toh nalokaboli janaishe.
Add Comment