Bihar, Uttar Pradesh deh kom seh kom notha Kanwariyas muri jai shae

August 5, 2024: Bihar aro Uttar Pradesh deh kom seh kom notha Kanwariyas nahoileh Shiva worshippers muri jai shae aro atha jokom kai shae, alak alak incident deh. Etu incident tho Sunday aro Monday din deh hui shae, Bihar laka Vaishali district deh, ekta gari deh taka music system, kuto Kanwariyas keh buki taki shae, etu tho ekta 11kv power lokot contact deh ahi shae aro noh junk eh murai di shae. Police para Kanwariyas kan Ganga pani keh buki taki shae kui shae, Hariharnath Pashupati Mandir deh offer kuri bo karne. Incident para protest kan trigger kuri di shae. Resident kan gusa deh taka tho ekta rampage deh jah shuru hui shae aro Hajipur aro Jandaha peach deh gari kan keh block kuri taki shae. Taikan power officials laka against action mangi taki shae. Top officials kan utu jaka deh phat jai shae, Road blockade tho 2am phale lift kuri di shae. Uttar Pradesh deh ekta bus kuto Kanwariyas keh buki taki shae, overturn hui jai shae, Badgaon bosti laka osor deh. Bus tho 44 devotees keh buki taki shae. Bus laka driver tho chula time deh gumai jah tho accident hui jai shae, police para kui shae. Accident hua tho choitha devotees keh jokom kuri di shae. Sob jokom kah manu kan tho stable condition deh ase kui nah report hui shae.