November 16,2020: Bodhi Bigha village Gaya district Bihar te Police para koikena janaishe Monday din te suspected Naxalites laga group khan para community building phutaidishe.Police official koikena janaishe armed Naxalites khan Dumaria police station area laga bosti te jaishe Sunday rati te aro explosives chulaikena etu building toh udaidishe.
Etu pichede etu group khan para hawa te fire kurise bosti charibole samay te.hoilebi etu hadsaa toh manu mura aro jhokom paa khobor ekta bi nai.
etu hamlaa te confirm kurikena Dumaria police station incharge Vimal Kumar koikena janaishe Naxalites khan para haath para likha pamphlet charishe etu te local authorities khan aro police ke dhamki dishe etu attack te responsibility loikena .
Police source kuwa hisaab te ekta police station kuntu toh community building para kaam kuribole thaka thakishe etu nimete naxalites khan para target kurishe etu bi manu khan majhotte area te thaka ke bhui anibole nimete.
Police khan kosish kuri ase etu suspected Naxalites ke thuribole nimete.
Add Comment