Mumbai, 17 March : Veteran Tamil film actress Bindu Ghosh Sunday din Chennai laga ekta hospital te mora jaise. March 16 din tae dunia pora bidai loise. Tae laga family members koise tae laga last rites Monday din, itu din te, perform hobo. Actress tae laga moribole age hoise 76 saal. Tae laga comedy films khan bhal pora loise aru tae manu khan ke bisi hasi tha ki thakise. Tae laga last days te tae serious health problems aru financial difficulties face kuri thakise.
Bindu Ghosh aage reveal kuri se ki tae laga family, tae laga son milaikina tae ke abandon kuri dise, aru tae tae laga struggles khan alak pora face kuri thakise. Ekta interview te Galata laga YouTube channel te, actress Shakeela koise tae Bindu Ghosh ke meet kuri thakise. Tae tae laga health bishi kharab aru emotional crisis laga bishoye kotha kuri thakise. Tae laga health pora concerned thakibole karone, Shakeela suggestions mangise manu khan pora kun bachaibo paribo, aru bisi manu khan actor Bala recommend kuri se. Itu pichete, actor personally Shakeela logot jai kina Bindu Ghosh laga ghar te visit kuri dise.
Bala tae financial help Rs 80,000 dise aru tae laga medical expenses karone constant support dibi koikina assure kuri dise. Bala chara, actors Richard aru Ramalingam bhi financial help karone age aahi dise. Bindu Ghosh ekta famous actress aru choreographer thakise jun tae Tamil aru South Indian cinema te dangor contributions dise. Tae laga film career shuru hoise ‘Kozhi Koovuthu’ (1982) pora. Aage tae background dancer hisab te ‘Kalathur Kannamma’ te Kamal Haasan logot kam kuri thakise.
Comedy shuru kuribo age, Bindu Ghosh theater te active thakise. Tae veteran stars jimanakina Rajinikanth, Kamal Haasan, Sivaji Ganesan, Vijayakanth aru Karthik logot kam kuri thakise. Famous films khan jimanakina ‘Uruvangal Maralam’, ‘Kombari Mukkan’, ‘Soorakottai Singakutty’, ‘Osai’, ‘Dowry Kalyanam’, ‘Thoongathey Thambi Thoongathey’, ‘Needhiyin Nizhal’ aru ‘Navagraha Nayagi’ tae laga naam te ase.
Add Comment