France, 20 May 2025: 2025 Cannes Film Festival te Robert Pattinson aru Jennifer Lawrence eneka ekta notun movie Die, My Love premiere korishe. Film to bhal review paishe, kintu red carpet te ekta alag he scene sob laka attention loishe — ekjon manuh juntu ekta dangor bird banikena ahi jaishe.
Poila din age actress Emma Stone bhi ekta asol bee logot red carpet te problem face korishe. Kintu etiya to situation aru bhi bizarre hoishe. Ekta manuh, condor bird banaikena, confidently crowd samne jaishe, wing flap korikena photo loishe. Tate thaka manuh bhabishe etu Die, My Love laga marketing hobo — heart break nohoile bhi love laka deep meaning dekhabole try kori ase. Kintu etu nahoi koishe.
Festival organizer khan pisot te clear korishe ki bird costume para manuh actually dusra film laga character ase. Taikhan promote korishe I Love Peru laka ekta documentary juntu banai ase French actor aru director Raphael Quenard. Film to ekjon manuh laga story ase, juntu dukh te ase aru Peru jai spiritual journey karone, tai laga saathi Hugo David logot. Film te condor bird ekta spiritual sign ase — Peruvian mythology hisap te condor toh heaven aru earth laga messenger hoi.
Kintu etu costume Cannes laga notun rules ulta korishe. Festival khan recently rule banai dishe — dangor kapor, lamba dress, aru animal-type outfit ban korishe. Nudity bhi explicitly ban kori ase.
Hoile bhi, bird man toh aishe — full feather, full style logot — aru Hollywood laga famous actor khan ke spotlight para hatai dishe.
Add Comment