Imphal, March 22 : Sources hisap te, Biren Singh para chola government tu Outer Manipur Lok Sabha constituency te NPF candidate ke support kuribole nisna asey.
India Today NE logotey close thaka sources para reveal kurisey ki Central government para Lok Sabha polls te Manipur CM Biren Singh ke dhalibole mon thakisey hoilebi tai para mana kuridisey.
Agey barikina, BJP tu etya MP Rajkumar Ranjan Singh nohoilebi MLA Rajkumar Imo Singh ke field kuribole bisari asey. Kun Inner Manipur constituency laga Chief Minister laga son-in-law asey.
Hoilebi, Outer Manipur laga mamla te BJP tu etya bi kobole naparikina asey. Sources para reveal kurisey ki Biren Singh para lead kora government tu Naga People’s Front (NPF) para support barabole nisna asey.
Ahibole thaka Lok Sabha election nimitey, Naga People’s Front (NPF) para II-Outer Mnaipur Parliamentary Constituency nimitey Kachui Timothy Zimik ke taikhan laga candidate announce kurisey.
Tai tu ekta retired Indian Revenue Service (IRS) officer asey. Tai tu sitting NPF parliamentarian Dr Lorho S Pfoze laga jaga lobole asey.
Etu announcement tu NPF laga Central Working Committee para March 20 te ekta jaruri meeting kora picheyte kurisiley.
Add Comment