NEW DELHI: Jua kali laga fusur te Delhi te ekdam bhari fog thakishe. Etu nimite 24 trains affect hoishe. Jua hafta te desh laga capital te baris gera nimite Delhi laga mousom toh aro bishi thanda hoishe.
Bhari (dense) fog, ekdam thanda aro thanda hawa nimite rasta te thaka manu khan toh bishi biya duk lok paishe. Aro thanda huwa nimite dekhibole (visibility) te bhi bishi dikdar hoishe.
Delhi laga temperature gerija nimite, thanda hawa toh bishi hoi ja nimite manu khan toh night night shelters te lukaishe. Ghor nathaka manu khan toh Delhi, Connaught Place laga Gurudwara Bangla Sahib te thakibole jaishe.
Meteorological (Met) department official koishe deri huwa trains khan majote Malda-Delhi Farakka Express aro Howrah-New Delhi Duronto bhi thakishe. Safdarjung te dhekibole (visibility) para 5:30 am te 1,500 metres record kurishe aro Palam te 1,000 metres record kurishe.
Weather office hesab te Delhi te sob para ucha temperature toh 22 degrees ase aro sob para niche temperature toh 9 degrees ase. Met department para Thursday aro Saturday majote toofan ahibole genika ase koishe.
Add Comment