April 22, 2024 : Pani bishi narukhi kena gira para, Noklak town aru Sadel majetey landslide hoishey. Itu landslide hoa para raasta tey bhi blockage khan hoi jaishey, Longkim & mangangkhi bosti tey, Tuensang District under tey. Itu raata kuntu toh hoiley Aghunato town aru Suruhuto majetey connect kuri thakey utu bhi biya kuri dishey koi asey, itu heavy para pani giri aha nimitey.
Itu duita jaga tey bhi raasta biya hoa nimitey manu khan hudai din aha jawa kuria khan toh bishi dukh pai asey koishey.
Itu ekla nahoi kena, Tuensang district laga town laga bhitor tey bhi, pani bishi jur para gira karney electric laga post bhi giri kena asey 24hrs agey para itu nimitey current naha toh, itu ekla nahoikena Mangkangki koi kena thaaka bosti tey bhi pathor khan mati khan giri kena manu khan bishi dukh pai asey koishey.
Add Comment