FRANKFURT AM MAIN, GERMANY: Wednesday te Germany laga respected news weekly Der Spiegel para media world ke stunned kurishe. Der Spiegel koishe tai khan laga award-winning reporters khan bishi saal para false stories dishe koishe.
Claas Relotius para bishi kahani banaishe aro protagonists invent kurishe. Etu made-up kahani toh magazine aro online editions te ula toh false ase. Etu toh 60 articles at least 14 articles toh false ase.
Relotius etu kotha admit kora pichete resign kurishe. Relotius laga umar toh 33 years ase. Tai saat saal aage para magazines lekhishe aro investigative journalism nimite bishi awards bhi paishe. Etu awards majote CNN Jounalist of the year bhi 2014 te paishe.
Etu moina agote te bhi Relotius juwan Syrian chokora laga kahani lekha nimite German Reporter of the Year award paishe.
Etu cheating laga kotha toh Relotius laga colleague logote para ahishe. Relotius laga colleague para US-Mexican opor te Relotius para likha details te edit kora dekha para sawal uthaishe.
Reporter para Relotius laga article lekha te duita manu ke eventually track kuribo parishe. Etu duita manu koishe tai khan ketiya bhi Relotius ke lok panai.
Relotius para “Mexicans Keep Out” laga haath para paint kora sign dekha bhi missa koishe. Etu bhi investigation te paishe.
Dusra missa kahani te Guantanamo Bay te thaka Yemeni prisoner laga aro NFL star Cloin Kaepernick ase.
Ekta lamba article te Spiegel koishe etu kotha toh jani kena ekdam “shocked” ase. Spiegel para tai khan laga readers khan ke maaf mangishe.
Add Comment