AHMEDABAD: Senior Official koishe photo te tiger para Mahisagar district laga Lunawada taluka jaga te rasta cross kura social media te viral huwa pichete Gujarat Forest department para tiger ke bisaribole suru kurishe.
Sunday te local government school teacher Mahesh Mahera para claim kurishe ke tai para tiger toh Mahisagar laga Boriya bosti osor laga rasta toh par kuri thaka dekhishe. Etu bosti toh Ahmedabad para 120 km dur te ase. Mahesh Mahera para tiger ke February 6 te dhekishe. Aro Mahesh para tiger laga photo tai laga mobile phone para loi kena tai laga saathi khan ke social media platforms te share kurishe.
Juli para tiger laga photo toh viral hoishe aro state forest department ke tiger toh area te ase koi kena janibole dishe.
Senior Official koishe Mr Mahera laga kuwa kotha opor te action loi kena forest department para tiger nimite duita camera traps lagaishe. Aro tiger toh asol para bhi ase na nai etu janibole staff bhi tiger dekha jaga te rakhi kena ase.
Principal Chief Conservator of Forest (Wildlife) Akshay Saxena koishe tiger laga photo toh viral hoishe aro ami khan etu fake ase etu kubole na pare. Tate thaka manu para etu kotha claim kura nimite ami khan jaga toh scan kurishe. Ami khan etu jag ate duita camera traps lagaishe aro etu laga number toh uthibo koishe.
Tai koishe ami khan laga staff toh pug marks aro scat (excreta) besaribole kosis kuri ase. Etu jag ate etiya tok toh tiger ase laga eku khobor nai.
Mr Sazena koishe Rajasthan aro Madhya Pradesh toh ekso (100) km dur te he ase. Etu toh ekdam asorit ase ke tiger toh kun ke bhi janibole na de kena eman dur toh pungchishe. Ami khan subut pabole pura kosis kuri ase.
Add Comment