KOCHI/THIRUVANANTHAPURAM, SEPTEMBER 21 : Roman Catholic Priest (Pastor) Franco Mulakkal ke rape chamala nemite Police pora Friday din 3 din wala kotha hutha-huthe kuri ase. Etubi Nun kan pora tai ke khilaf kurikena rape aro kao molesh (sex) kura chamala nemite complaint kura bejete.Etu nun kan ke rape aro kao molesh toh bar-bar kuri thaka karne Kerala Sorkar aro Police pora kotha hutha-huthe kuri ase. Aro Kerala Sorkar hisabte etu kotha toh Special Investigation Team kan pora etu chamala nemite kotha mela kuribole kuri ase. Aro etu chamala laga kotha toh husa kebi bhal te manabole kuri kena husa kotha ulaidebole kuri ase koi kena janaise.Senior Kerala Minister EP Jayarajan pora Thiruvananthapuram te khobor kura kan ke etu kotha hutha-huthe kura toh ekdam thik aro husa rasta te ahejai ase. Aro tai kan sorkar bi Nun kan ke hi ekdam mon de kena motub kuribole kuri ase. Aroe tu chamala te husa kebi melekena thaka ke toh chamala naam te anede kena thik pora kanoon hisabte saja debole aro action lobole kuribole ase koi kena janaide thakise.
Bishop Franco Mulakkal ke 3 din nemite kotha huthe ase
Add Comment