BJP CADC para “illegal” recruitment rokaishe

AIZAWL: Mizoram te BJP CADC (Chakma Autonomous District Council) para CADC te “illegal” recruitment examination toh joldi te bondh koriboli demand korishe. BJP CADC delegation para CADC laga Executive Secretary, Pronit Bikash Chakma ke tai laga office chamber te mathishe. Etu samai delegation para representation submitted korishe aro joldi para illegal recruitment examination rokina Group ‘B’ (Non-Gazetted), C & D pithor te Chakma Autonomous District Council te keman vacant posts ase etu toh fill up koriboli janaishe. CADC Executive Secretary logot letter te BJP CADC para koishe ke, present Executive Committee CADC ke recruitment examination toh junai thiboli aro CADC pithor alag-alag departments te 54 vacant posts toh public notice board te nahoile Mizoram print media te janai thiboli koishe. Etu notification toh December 13, 2021 social media platforms te public para janaishe. BJP CADC para koishe ke, etu neshina corrupt practices/illegalities toh CADC CEM Rasik Mohan Chakma para loikena Executive Committee para eligible candidates khan ke hataikena CADC te ruling MNF MDCs laga ghor manuh khan ke vacancies te thaliboli kori ase koishe. BJP CADC delegation para CADC Executive Secretary logo taro janaishe ke, itya CADC laga Executive Committee toh financial crisis te ase aro Rs. 28 crore deficit budget hoikena ase aro CADC laga Executive Committee para eman besi vacant posts toh fill up koriboli position te nai koishe. Delegation para CADC laga Executive Secretary logot “illegal” recruitment examination toh joldi bondh koriboli janaishe. Delegation para Mizoram Governor, Secretary, DC & MA, Government of Mizoram aro Deputy Commissioner of Lawngtlai logot be letter copies putaishe koishe.