Chikli, Maharashtra, 11 October: Friday din Union Home Minister aro BJP chief Amit Shah koise, Congress aro NCP work toh nejor laga families nemide kaam kori ase. Hoilebe BJP aro Shiv Sena toh desh laga interest nemide he kaam kori ase.
Maharashtra laga Buldhana district deh poll rally lowah time deh Mr Shah koise, Constitution laga Article 370, Jammu and Kashmir ke special status dekena thaga toh hataideya nemide opposition toh kelaaf korise.
Mr Shah koise, “Maharshtra laga manu khan toh bonabo nemide option toh ase. Congress aro NCP toh nejor laga families nemide kaam kori. Hoilebe BJP aro Shiv Sena toh desh laga interest nemide he ase”.
Tai koise, Prime Minister Narendra Modi laga first fesla May deh second term jeta bechide toh Articles 370 aro 35A hataidebole laga thakise. Etu toh India logode Jammu and Kashmir mela meli hobo nemide ase.
BJP chief koise, “Kondu PM para be etu issue deh chobole doom thaga nai. Hoilebe Modiji para etu toh korise. Aji Kashmir toh desh laga integral part ase. Congress leader Ghulam Nabi Azad koise, Article 370 hataidebole laga fesla loise koile Valley deh khun para noti toh bhorda hobo aro etu opor deh Parliament deh kelaaf kora thakise. Hoilebe olob khun be keranai”.
Home minister koise, BJP nemide desh laga security toh vote-bank politics para be besi kaam laga ase.
Mr Shah koise, “Opposition toh kelay hoti ase. Maharashtra politics logode Article 370 toh kenaga connection ase? Pura desh toh Kashmir toh India laga part hobole mon ase aro Modiji para etu wish toh korideshe.
Maharashtra laga assembly polls deh 288-member assembly ase aro etu toh October 21 deh lobole ase. Ruling BJP-Sena toh second par nemide office deh thakibole sai ase.
Add Comment